तनहुँ
प्रतिबन्धित लागु औषध डाइजापामसहित एक युवक पक्राउ परेका छन् । तनहुँको आँबुखैरेनी गाउँपालिका–४ बेनीटारस्थित पृथ्वीराजमार्गमा सवारी चेकजाँचको क्रममा तनहुँ प्रहरीले पक्राउ गरेको हो ।
जनकपूरबाट पोखरातर्फ आउँदै गरेको बा ५ ख ८३१ नम्बरको यात्रुवहाक बसमा सवार रौतहटको गुजारा नगरपालिका–१ का २५ वर्षीय आशिष तामाङ पक्राउ परेका हुन् ।
उनको साथबाट डाइजेपाम ५४ एम्पुल, फेनरागन ५८ एम्पुल र बुर्फिन ४४ एम्पुल बरामद गरेको जिल्ला प्रहरी कार्यालय तनहुँका सूचना अधिकारी डिएसपी अशोक थापाले जानकारी दिए ।
सोमबार दिउँसो पक्राउ परेका उनलाई जिल्ला अदालत तनहुँबाट म्याद थपेर अनुसन्धान भइरहेको छ ।
